Verð að játa það að Foretinn stóð sig mjög vel.

Það hefur verið öllum ljóst að ég hef alls ekki verið hrifin af Forseta Íslands,og hef ekkert legið á því.  En ég verð að viðurkenna að hann kom mér verulega á óvart með þessari ákvörðun sinni að senda málið í hendur kjósenda.  Og á hann hrós skilið fyrir framgöngu sína við BBC og fleiri fjölmiðla.  Þarna kom hann MJÖG á óvart.  Og tek ég hatt minn ofan fyrir honum í þetta sinn.  Hann gerði líka hluti sem ráðherrar þessa lands áttu að vera löngu búnir að gera, sem var að skýra fyrir umheiminum hvernig í málinu liggur.

En mér finnst það sorglegt hvernig Formenn Framsóknar og Sjálfstæðis manna virðast hræddir núna við vilja þjóðarinnar og ráðaleysi stjórnarflokkanna er algert.  Eina manneskjan sem er að gera það gott og er sjálfum sér samkvæm er Birgitta í Hreyfingunni.  Við hvað eru menn hræddir??? Eru menn hræddir við að þjóðin hafni görðum þessara ráðamanna sem hafa verið við völd á undanförnum árum??  Þetta verður fróðlegt að fylgjast með á næstu dögum, hvort formenn allra flokka reyni að hnekkja þjóðaratkvæði og stofni nýja samninganefnd og klóri í bakkann.