Hvað var ég búin að blogga um fyrr í vetur og í fyrra og árið þar áður!!!!!!!

Ég var að lesa Fréttablaðið í morgun þegar ég sá þessa frétt.

Mér var hugsað til þetta pistla og þeirra orða sem ég hef áður látið falla um þetta fyrirtæki.  ég hef fjallað um sölu Sementverksmiðjunnar til handa þessum sömu manna. Einnig hef ég gagnrýnt Bæjarstjórn Akranes og Ríkisstjórn Íslands sem hafa viljað dæla peningum inn í verksmiðjuna.  En þessir menn hafa mokað verðmætum út úr verksmiðjunni og afskrifað milljarða skuldir af sjálfum sér sem þeir skulduðu verksmiðjunni áður en þeir keyptu hana og hafa ekki greitt eina krónu eftir að þeir keyptu hana.  Þetta er svívirðilegt hvernig þessir menn hafa hagað sér í viðskiptum í gegnum tíðina enda vilja þeir ekki birta ársreikninga félagsins undanfarin ár.  Og í þessu félagi hafa samt lífeyrissjóðir verið að fjárfesta í.  Og engin er látin sæta ábyrgð.

Vill undanþágu frá afhendingu ársreikninga

dómur BM Vallá hf. hefur höfðað mál gegn Ársreikningaskrá til að komast undan því að afhenda ársreikninga fyrirtækisins og láta birta upplýsingar úr þeim opinberlega.

dómur BM Vallá hf. hefur höfðað mál gegn Ársreikningaskrá til að komast undan því að afhenda ársreikninga fyrirtækisins og láta birta upplýsingar úr þeim opinberlega.

Kröfunni var vísað frá Héraðsdómi Reykjavíkur í gær, þar sem kröfugerð fyrirtækisins þótti ekki nægilega afmörkuð og ákveðin. Ekki lægju fyrir gögn sem styddu fullyrðingar um að í ársreikningunum væru upplýsingar, sem samkeppnisaðilar og aðrir ættu ekki að fá aðgang að vegna fjárhags- og viðskiptahagsmuna BM Vallár.

Þessir gallar á málatilbúnaði komi í veg fyrir að dómurinn taki efnislega afstöðu. - pg