Hver trúir einu einasta orði úr þessari yfirlísingu.

Mér er ekki skemmt að lesa um greiðslustöfun fyrirtækja, en ég er hissa hversu lengi þetta fyrirtæki hefur fengið að rúlla áfram , án þess að skila ársreikningum eða greiða af lánum.  Það er búið að vera brjálæði í byggingariðnaði undanfarin ár og verð á öllum íblöndunarefnum hefur lækkað hlutfallslega á sama tíma.  Þannig að þessir menn ættu að hafa geta grætt helling af peningum og greitt niður skuldir.  Einnig fengu þeir helling af peningum frá ríkinu í sambandi við kaup fyrirtækisins á Sementsverksmiðjunnar og einnig eins og ég skrifaði í síðustu færslu minni er búið að moka eignum og peningum út úr verksmiðjunni.  Þá hafa sumir að ráðherrum verið að betla meiri peninga fyrir þá út úr Ríkinu til handa þessu fyrirtæki,og er mér mikil spurning hvernig ráðherrum dettur til hugar að reina að fá fé til handa fyrirtæki sem ekki hefur sýnt neina ársreikninga í mörg ár.

BM Vallá í greiðslustöðvun

Athugasemdir

[Þorsteinn H. Gunnarsson, 3.2.2010 kl. 19:47]

Eiga ekki öll fyrirtæki að skila ársreikningi til Ársreikningaskrá. Verður skatturinn ekki að fá slík gögn til að geta lagt gjöld á samkvæmt lögum.

Það væri ef til vill áhugavert að pæla aðeins meir í þessu.

[GunniS, 3.2.2010 kl. 20:59]

mig minnir að eigandi bmvallá hafi sagt að ársskýrslur séu aðeins fyrir þá sem vilja njósna og slúðra. ég er ekki sérfróður um þessi mál, en þó hann hafi ekki látið bókhald fyrirtækisins liggja opið fyrir hvern sem er að hnýsast í, þá er það ekki það sama og hann hafi ekki staðið skil við skattinn. 

[Þorsteinn H. Gunnarsson, 3.2.2010 kl. 21:09]

Ársreikningaskrá er starfrækt samkvæmt lögum nr. 3/2006, um ársreikninga. Í X. kafla laganna, 109. – 117. gr., eru ákvæði um skyldu allra hlutafélaga, einkahlutafélaga, samlagshlutafélaga og samvinnufélaga að leggja fram ársreikninga sína, og samstæðureikninga þegar það á við, hjá ársreikningaskrá til opinberrar birtingar. Enn fremur eru sameignarfélög skilaskyld ef félögin eru í eigu framangreindra skilaskyldra félaga eða ef þau fara yfir stærðarmörk eigna, veltu og ársverka sem tiltekin eru í 2. tölul. 1. gr. laganna án tillits til eignaraðildar.

Skilafrestur á ársreikningi er eigi síðar en einum mánuði eftir samþykkt hans en þó eigi síðar en átta mánuðum eftir lok reikningsárs en félög, sem hafa hlutabréf sín eða skuldabréf skráð á opinberu verðbréfaþingi, skulu þó senda ársreikninga þegar í stað eftir samþykkt þeirra en þó eigi síðar en sex mánuðum eftir lok reikningsárs. Skilaskylda á samstæðureikningi hvílir einnig hjá móðurfélagi samstæðu.

Reglugerðin um skil og birtingu ársreikninga er nr. 664/2008. Samkvæmt 8. gr. hennar skal veita almenningi aðgang að ársreikningunum. Heimilt er að selja ljósrit af ársreikningunum gegn gjaldi, sbr. lög um aukatekjur ríkissjóðs, og er gjaldið 150 kr. á hverja blaðsíðu.

Heimild: RSK ríkisskattstjóri

Er þetta fyrirtæki á einhverri undanþágu frá lögum um þessi málefni?

Spyr sá sem ekki veit?

[GunniS, 3.2.2010 kl. 22:00]

sennilega ekki, en það er svo skrítið að það er eins og fyrirtæki geti í raun bara farið eftir þeim reglum sem þeim hentar, eins og dæmi um að nú eru til reglur um að stjórnmálaflokkar eigi að hafa bókhald sitt opið, en sumir þeirra bara neita að gefa upp hver gaf þeim þennan og þennan styrk, og þeir virðast komast upp með það.

einnig eru kjarasamingar í gangi í landinu, lika reglur um ráðningasamninga, en það er einnig eins og fyrirtæki ráði hvort þau fari eftir því. 

[Einar Vignir Einarsson, 4.2.2010 kl. 11:31]

Sælir allir og takk fyrir kommentin.

Fyrirtæki sem ekki skila ársreikningum fá á sig áætlun og í flestum tilfellum kæra menn þá áætlun og þá fer í gang ferli og þá geta menn haldið máli í gangi í nokkur ár án þess að greiða nokkra skatta.  Þegar um þrýtur þá verða menn að greiða með ærnum tilkostnaði,ef þá fyrirtækið er þá hér á landinu. Mér skilst að í dag hafi þeir flutt fyrirtækið úr landi til Lux eða Sviss svo að það er erfitt að komast að þeim núna.  En þetta er hægt að sjá á netinu!!! 

Ég spyr af hverju halda menn að þetta hafi verið gert??????