Jaxlinn

Sunnudagur, 20. apríl 2008

Fallegt land sem við eigum....

Maður vanmetur svo mikið landið okkar. Ég fór með skipstjóra af skipi sem við erum með í Þorlákshöfn út að keyra í dag. Það var svo gaman að fylgjast með kallinum,hann var eins og lítið barn sem var að uppgötva heiminn. Hann var að koma frá Falklandseyjum með viðkomu í Brasilíu og í Kanada,og hann er búin að vera um borð í skipinu í 7 mánuði.

Ég fór með hann fyrst um Þorlákshöfn og síðan á Eyrabakka og Selfoss og hann átti ekki orð yfir hversu landið var hreint og fallegt og vatnið væri gott sem við eigum. Síðan fór ég með hann upp að Geysir í Haukadal og að Gullfoss og svo til baka í gegnum Laugavatn. Mér fannst svo mikið drasl með vegunum og svona grámyglulegt allt ek kallinn var svo uppnumin af öllu það það var með ólíkindum. Síðan gaf ég honum flotta myndabók og sýndi honum hvernig við notuðum heitavatnið og reyni mikið á þessari stuttu ferð að sýna honum sem mest. Þegar við komum svo til baka þá kallaði hann alla strákana sem voru að mála skipið til sín og hann fór að sýna þeim myndirnar sem hann tók í þessari stuttu ferð. Og aðfarirnar og bendingarnar og leiktilburðirnir við að lýsa myndununum að maður sprakk úr hlátri. Þegar ég kvaddi blessaðan mannin´þá vildi hann gefa mér gjafir og hvaðeina og þegar ég fór þá faðmaði hann mig og blessaði eins og ég hafi gefið honum milljónir. Gaman að gleðja svona menn. Og þetta kennir manni líka að meta það sem maður á eins og þetta fallega land sem við megum vera stolt af.

Flokkur: Bloggar | Facebook