Það var fróðlegt að heimsækja Vesturlandið... Til umhugsunar.

Ég var að koma úr ferð til Snæfellsnes og Vestfjarða.  Það er rosalega gott að fara í svona ferðir.  Maður kemst í snertingu við púlsinn á lífinu hreinlega, þarna býr fólk sem er að framleiða afurðir til útflutnings og er að borga þá hít sem við erum komin í en tók samt ekki þátt í ruglinu.  Þarna er fólk sem þarf að þola ónýtar samgönur og niðurskurð á öllum sviðum en er samt þarna og elskar sitt land og sitt svæði.  Það er grátlegt að koma og tala við trillukarlanna og frystihúskonurnar,framkvæmdastjóranna.  Þetta fólk þarf að þola það að þurfa að fá tilkynningar um að það sé 5% innköllun á kvóta,bændurnir þurfa að keyra öllu sínu fé til slátrunar til Sauðakróks, það þarf að þola hækkanir á öllum aðföngum um c.a 100% á hálfu ári.  Samt er þetta fólk, fólk sem er búið að leggja allt sitt undir og kaupa kvóta ,það er búið að vera reyna að finna leiðir án styrkja til að komast betur frá landbúnaðinum.  En núna getur þetta fólk ekki skipulagt sig neitt, það getur ekki gert áætlanir, það veit ekki hvort húsin verða tekin af þeim,það veit ekki hvort það sé með vinnu eftir sumarfrí því á þessum stöðum er aðeins eitt fyrirtæki sem er að brauðfæða allt þorpið.  Þetta er rosalegt hvernig er verið að fara með fólk í landinu.  Fólk sem engan vegin kom nálagt vitleysunni.  Það koma bara tilkynningar um niðurskurð og niðurskurð og hækkanir á sköttum og ég veit ekki hvað.  "ÞETTA ER ROSALEGT".  ég held að það væri hollt fyrir þessa ráðamenn okkar að fara á þessa staði og hlusta á þetta blessaða fólk áður en þeir taka ákvörðun um svona stórar ákvarðanir eins og t.d. 5% innköllun á kvóta, og vera ekki búin að ákveða hvernig á að vinna með þennan kvóta.  Ég held að við ættum að senda alla þessa þingmenn í útlegð í smá tíma og láta þá kynnast lífinu úti á landi.  Nýjasta tilkynningin var að koma til þessa fólks að ekki eigi að laga vegakerfið þarna, sem er algerlega óviðunandi.  Er það stefnan að koma öllu fólki til Reykjavíkur???  Og ef svo er hvað á þetta fólk að vinna, þar sem allir bankar eru lokaðir öll fyrirtæki eru að stoppa,og búið er að sela öllum lífeyrissjóðum.

 

Ég bara spyr?? 

Athugasemdir

[Björn Þorri Viktorsson (IP-tala skráð) 24.5.2009 kl. 02:09]

Sæll Nenni.

Hvurslags væl er þetta í þér fyrir hönd landsbyggðarinnar, sem n.b. fattar ekki raunverulega stöðu sína í þessu máli.  NÚ ER LAG AÐ GERA HINAR ÓUMFLÝJANLEGU BREYINGAR! 

 Ég legg til að strax í sumar verði tekið upp nýtt ákvæði í fiskveiðistjórnarlögin sem hljóði svo; Á árinu  2009 verður tekið upp nýtt fyrirkomulag við úthutun aflaheimilda, allar fiskveiðihiemildir verði boðnar upp á markaði og 1/4 veiddur í hverjurm landsfjórðungi. Með þessu yrði tekin upp raunveruleg byggðastefna og aukin nýliðun í greininni. Auðvitað verða veiddir jafn margir þorskar og áður, en nú myndi gefast aukið rými fyrir skiptingu verðmæta til þeirra sem raunverulega eru  að veiða og vinna fiskinn, á kostnað vaxtaokrara (bankanna) sem hafa mergsogið atvinugreinina á liðnum árum, án þess að hafa nokkrar grunnheimildir þ.a.l.

Maður getur ekki haft samúð með þeim sem tók veð í "stolnum hlut" án þess að fá samþykki þess sem er raunverulegur eigandi hans!  Enda er ekkert beint veð í aflaheimildum, svo því sé til haga haldið!

Þorskurinn verður veiddur áfram og út um allt land, það þarf enga "sægreifa" til að veiða fisk!

[Einar Vignir Einarsson, 24.5.2009 kl. 15:08]

Sæll  Björn.

Málið er að það kemur bara tilkynning um þessar breytingar en ekkert hvernig þetta á að vera í framkvæmd.  Menn geta ekkert skipulagt rekstur sinn eða neitt.  Auðvitað verður veiddur fiskur áfram, en það er búið að leyfa þessu að grassera með framsali og veðhæfi í öll þessu sukki og menn eru búnir að vera aðlaga sig að þessu eins og það hefur verið framkvæmt.  Þarna fyrir vestan eru menn ekki sammála LÍÚ., og menn eru ekkert ósáttir að þetta verði tekið til baka.  En það eru menn sem eru nýbúnir að vera að kaupa fullt af kvóta og nú standa þessir einstaklingar eftir bara eitt spurningarmerki.  Auðvitað á að taka kvótann til baka, en það verður að lýsa hvernig á að framkvæma gjörninginn Bjössi.  Það er ekki hægt að framkvæma málið svona eins og þessi stjórnvöld eru að gera.   Einnig hvað verður um skuldir og annað sem þessir einstaklingar hafa stofnað til vegna þessara kaupa, það er svo mörgum spurningum ó svarað.