Þetta er rosalegt.

Maður er að fá fregnir af banaslysum í umferðinni, svo er maður að sjá svona fréttir.   Því lýkt ábyrðarleysi hjá mönnum.  Það er ekki þeim að þakka að þeir sleppi í gegn og engin varð fyrir þeim.  Þyngjum refsingar í svona málum. 

Ölvaður farþegi henti bílstjóranum út og ók sjálfur í bæinn

Það er allt of mikið lagt á hann

Ég er ekki hissa á að hann hvíli sig aðeins.  Það er búið að leggja á hans herðar allt þetta bull sem var í gangi hjá Eyjólfi.  En svo er spurning hvað svo menn gera í framhaldinu með nýjum mönnum í brúnni.  Ætli menn vilji ekki sjá hvernig menn tækla þessi mál og hvaða breytingar koma með nýjum mönnum.

Eiður: „Ákvörðunin hefur ekkert með þjálfarann að gera“

Hvernig getur Sturla............................

Ég næ því nú ekki hvernig Sturla getur komið með svona tillögur.  Maður sem er með allt niður um sig varðandi sjálfan sig hann hlýtur að hafa fengið aðstoð.  Hann hefur ekki getað unnið með neinum og vann lítið sjálfur nema undir sjálfan sig og því sem hann gat notið í þágu sjálf síns og sinna

Alþingi vinni vinnuna sína

Auglýsinum í Lögbirtingablaðinu fjölgar

Það er er erfitt hjá mörgum núna.  Launin hafa ekkert hækað í takt við vextina.

Erlend lán heimilanna eru komin í 108 milljarða króna

Hann er heppin að engin varð fyrir..........

Hvernig ætli mönnum líði þegar þeir vakna úr vímunni og vita ekki neitt.  Þessi maður veit ekkert um hvort það var fólk fyrir honum eða ekki.  Það á að herða viðurlög við svona akstri að mínu mati.

Bifreið gjöreyðilagðist er hún þeyttist á bensínstöð

Við skulum hugsa okkur um .........................................

Ég var að hugsa um í dag hvort þessir ungu Alþingismenn á Íslandi viti hvernig ástandið er inná þessum meðferðarstofnunum sem við eigum:  Ég fékk nefnilega símtal í kvöld, og ég beðin að koma manni til hjálpar sem á mjög mjög erfitt með sinn áfengis og vímuefna vanda.  Ég hringdi nokkur símtöl bæði í ráðgjafa og lækna eins inná Vog.  Ástandið er þannig í dag að það er allt að þriggja mánaða bið eftir að komast inn á Vog.  Hver heldur að það verði minkunn á drykkju ef þetta er sett inní verslanir(Matvöruverslanir).  Ég er rosalega hræddur um að ástandið versni til muna og grípi yngra fólk til þess böls sem áfengi og fíkniefni valda.  Það þarf engin að segja mér að það verði eftirlit með afgreiðslu á bjór og léttvíni.  Hver trúir því að það verði eftirlit með því?  Það eru börn að vinna að afgreiðslu í búðum, Lögreglan leyfir sölu á skotvopnum án byssuleyfis og fl. og fl.  Er ekki óhætt að fara að staldra við í þessum hraða og þessari einkavæðingu á öllum hlutum hér á landi.  Við erum farin að gleyma börnum okkar og barna börnum, við gleymum að okkar afkvæmi eiga eftir að eignast börn og barna börn.  Eigum við ekki að fara að hlúa að fjölskyldunum og róa aðeins þetta þjóðfélag.  Tökum Færeyjinga okkur til fyrirmyndar.

Mánudaur 13.11.2007

Í dag líður dagurinn eins og eldibrandur.  Ég byrjaði á að fara í sund í morgun, og síðan tók síminn við.  Ég er búin að vera mikið í símanum í dag.  Það eru margir af mínum gömlu skipsfélögum sem kölluðu mig Símon í gamladaga, þetta var svoleiðis dagur.  Ég er búin að vera í miklum samskiptum við Rússneskan skipstjóra sem er á skipi sem við erum umboðsmenn fyrir.  Þetta er rosa hollt fyrir mig og þjálfar upp veikleikan minn í starfi sem er Enskan mín.  Það er verkefni sem ég er að vinna í að bæta og er það bara gaman.  Síðan er ég að vinna að ýmsum verkefnum sem koma kannski fram síðar.  Ég fór svo á fund í kvöld sem var rosa magnaður ég er alltaf að læra meira og meira, í nýjustu dellunni minni sem er pólitík,  ég myndi ekki nenna að vera pólitíkus eins og margir eru, geta ekki sagt satt orð eða engivanvegin verið heiðarlegur.  Ég ætla ekki að nefna nein nöfn en mér finnst þetta þjóðfélag vera komið svo fjarri öllum almúga í landinu sem í raun er undir staða hagkerfis okkar.  Hér er komin fámennur hópur manna sem hugsar bara eitt það er að græða peninga sama hvernig er farið að því, það er gott að mörgu leiti en menn meiga ekki gleyma hvaðan við komum ef það gleymist endar allt ylla eins og stefnir í núna.  Vonandi geta menn snúið þróuninni við í tíma áður en margir fara ylla.  Það gæti vel farið svo að margir af þessum nýríku mönnum gætu hrapað fram af bjarginu.

Maður verður að hrista af sér slenið og blogga......................

Það er búið að vera fullt að gera hjá mér undan  farið.  Allir morgnar kl 0630 hefjast á sundi eða rækt, en samt minkar ekkert belgurinn á mér En það hlýtur að koma einhvernb tíman kannski.  En mér líður svakalega vel inní mér.  En ég verð að segja ykkur frá því sem skeði fyrir mig á Föstudaginn   Eins og flestir vita sem þekkja mig hætti ég að reykja og drekka fyrir fimm árum síðan, sem er ekki frásögufærandi nema að á Föstudaginn, var vinur minn að fá sér snuff í nefið og snuff fyrir mér er bara gott, svo að ég fékk mér smá.  En þegar ég fékk mér þetta fannst mér svo rosa gott að ég fékk mér meira og meira, en þegar ég var á leiðinni heim úr vinnu þá fór mér að líða ógeðslega ylla og varð í raun rosa rosa veikur (eins og karlmenn verða þegar þeim er illt) en ég rétt  komst heim og inn á klósett og stóð þá gusan upp úr mér og ég ældi og ældi eins og Múkki.  Ég fékk nefnilega tóbakseitrun.  Ég hef einu sinni fengið þetta áður, það var þegar ég var stýrimaður á Akraborginni og var búin að hætta að reykja í einhverja daga og fékk mér vindil.  Þá var ég svona rosa veikur  Þetta segir mér hversu mikill óþverri þetta tóbak er. 

En nóg um það, einn er sá partur sem ég geri í vinnu minni er sá að fylgjast með hvað fiskast hringinn í kringum landið og hvað er að ske í sjávarútvegnum.  Það skemmtilegasta sem ég geri er að fylgjast með skipunum sem eru með heima síður eins og núna er verið að fiska Silfur hafsins og ég gleymi  ég mér í þessu stundum.  Ég ætla að setja nokkrar myndir inn sem strákarnir á skipunum taka og setja inn á síðurnar sínar.  En við virðum höfundarrétt þeirra sem þessa vinnu þessara manna. 

       

400 tonna kast hjá Guðmundi VE

 

 Það er verið að kasta á Grundafirði

á Guðmundi VE

 

  

   Keilir á Reikjanesi

 

Svona fer þegar er verið á grunnu vatni

þá rifnar oft ylla

Það koma Krossfiskar og allskonar hlutir upp

á drættinum.

Þetta skulu allir lesa......

 Það geta allir findið sig hér.

10. nóvember 2007

Stjórnmálaályktun haustfundar miðstjórnar Framsóknarflokksins

Stjórnartíð Framsóknarflokksins sl. 12 ár hefur verið gjöful íslenskri þjóð. Atvinnulífið hefur blómstrað og fyrirtæki sótt fram. Kaupmáttur launa hefur aukist meira en áður hefur þekkst og staða ríkissjóðs hefur aldrei verið betri. Stöðugleiki og styrk efnahagsstjórn hafa gert okkur kleift að skjóta styrkari stoðum undir velferðarkerfið. Óvíða í heiminum er betra að búa en á Íslandi og bjartsýni og áræðni einkenna í dag íslenska þjóð.

Ríkisstjórn Sjálfstæðisflokks og Samfylkingar tók við góðu búi á vordögum. Framsóknarflokkurinn styður ríkisstjórnina til góðra verka en verður jafnframt gagnrýninn á það sem miður horfir. Á stuttum valdatíma hafa ríkisstjórnarflokkarnir ekki verið samstíga og tekið stórar ákvarðanir án nauðsynlegs og eðlilegs samráðs við ýmsa aðila í þjóðfélaginu. Það er áhyggjuefni.

Það á að vera eitt grundvallarmarkmið efnahagsstjórnar að tryggja með viðunandi hætti afkomu atvinnulífs og heimila í landinu. Lýst er áhyggjum af sinnuleysi ríkisstjórnarinnar í efnahagsmálum sem mun leiða af sér veikari stöðu heimilanna og atvinnulífsins. Mikilvægt er að áfram verði sýnd fyllsta ábyrgð í ríkisfjármálum og aðhalds gætt við gerð fjárlaga sem m.a. styrkir hagstjórnina og tryggir áframhaldandi sterka stöðu ríkissjóðs. Miðstjórn hvetur til aðgerða sem fela í sér aukinn sparnað í samfélaginu og telur stjórnvöld hafa hlutverki að gegna í því sambandi.

Stöðugt þarf að standa vörð um jafnrétti til náms. Það verður einungis tryggt með því að í boði sé öflugt og fjölbreytt nám án skólagjalda í leik-, grunn- og framhaldsskólum og í grunnnámi á háskólastigi. -. Áframhaldandi framþróun íslensks samfélags felst ekki hvað síst í því að stórauka tækifæri til fjölbreyttrar menntunar og nýsköpunar í atvinnulífinu. Aðeins með þeim hætti verður fleiri og fjölbreyttari stoðum skotið undir íslenskt efnahagslíf til stuðnings margbreytilegu og blómlegu mannlífi um land allt. Fyrsta skrefið í þeim efnum er að hraða vinnu við endurskoðun laga um einstök skólastig og byggja upp starfsmenntaháskóla. Samhliða þessu þarf að auka framlög til rannsókna á vegum háskóla og háskólasetra annars vegar og þróunarstarfs fyrirtækja hins vegar. Með öflugri framfarasókn á þessum sviðum verður samkeppnishæfni íslensks samfélags aukin enn frekar og lífskjör jöfnuð. Þannig verði stuðlað að auknu byggðajafnvægi og að Ísland skipi sér áfram í fremstu röð á meðal þjóða heims.

Miðstjórn lýsir andstöðu við framkomnar hugmyndir um einkavæðingu í heilbrigðisþjónustu, sem yrði skref í átt til tvöfalds heilbrigðiskerfis, og hafnar slíkum hugmyndum alfarið. Einnig lýsir miðstjórn andstöðu við hugmyndir um einkavæðingu orkufyrirtækja og ítrekar þá stefnu flokksins að Landsvirkjun sé ekki til sölu. Einn megingrundvöllur Landsvirkjunar hefur falist í þeirri sérstöðu að hafa aðgang að orkuauðlindum landsins í krafti almannahagsmuna. Stjórnarsáttmáli núverandi ríkisstjórnar er afar óljós hvað þessi mál varðar og yfirlýsingar stjórnarliða misvísandi. Slíkt er áhyggjuefni.

Miðstjórn fagnar útrás íslenskrar þekkingar og reynslu á sviði orkumála. Sú þekking hefur orðið til við hagkvæma og skynsamlega nýtingu náttúruauðlinda hér á landi á undanförnum áratugum. Mikilvægt er að halda áfram á sömu braut og mun Framsóknarflokkurinn styðja slíka útrás hér eftir sem hingað til.

Miðstjórn áréttar þá stefnu flokksins að landsmönnum öllum verði tryggður arður af sameiginlegum auðlindum þjóðarinnar en greiðslur fyrir afnot þeirra renni í sérstakan auðlindasjóð. Jafnframt verði tryggt að auðlindir landsins sem í dag eru í eigu opinberra aðila verði áfram í samfélagslegri meirihlutaeign. Þess verði gætt að við lagasetningu um þessi mál verði ekki gengið inn á stjórnarskrárvarinn eignarrétt einstaklinga og lögaðila.

Sú einkavæðing sem Framsóknarflokkurinn stóð að í síðustu ríkisstjórn varðaði fyrirtæki á virkum samkeppnismarkaði. Reynslan hefur sýnt að hún leysti úr læðingi mikið afl, sem í tilfelli fjármálafyrirtækjanna hefur orðið að nýrri stoð í íslensku efnahags- og atvinnulífi. Miðstjórn áréttar þá stefnu flokksins að stuðla beri að eðlilegri og heilbrigðri samkeppni á markaði, neytendum til hagsbóta. Jafnframt er ítrekað mikilvægi eftirlitsstofnana í því sambandi, sjálfstæði þeirra og burðir til að sinna sínu hlutverki.

Framsóknarmenn leggja á það ríka áheyrslu að staðinn verði vörður um Íbúðalánasjóð. Hræringar undanfarinna daga á húsnæðismarkaði hafa sýnt mikilvægi þess að ríkið tryggi almenningi eðlilegt aðgengi að fjármagni til kaupa á eigin húsnæði á kjörum sem hægt er að lifa við.

Í komandi kjarasamningum er afar brýnt að þeir sem lökust hafa kjörin hafi algjöran forgang og ráðist verði gegn launamun kynjanna. Eðlilegt er að ríkisstjórnin komi í því sambandi að kjarasamningum, t.d. með hækkun skattleysismarka. Hagsmuni fjölskyldunnar þarf einnig að hafa að leiðarljósi við gerð kjarasamninga. Á Íslandi er vinnuvikan hvað lengst í hinum vestræna heimi og kemur það helst niður á fjölskyldulífinu og því umhverfi sem uppeldi barna okkar er skapað. Mikilvægt er að í komandi kjarasamningum verði dagvinnulaun hækkuð þannig að þau dugi fyrir framfærslu og lífsafkomu fólks.

Miðstjórn lýsir yfir vonbrigðum með þær aðgerðir sem ríkisstjórnin hefur boðað til að mæta skerðingu aflaheimilda í þorski. Þær eru ómarkvissar og gagnast illa þeim sem harðast verða úti vegna skerðingarinnar. Miðstjórn leggur áherslu á raunhæfar aðgerðir til að mæta þeim samdrætti sem fyrirsjáanlegur er af þessum sökum og telur nauðsynlegt að komið verði í veg fyrir atgervisflótta úr sjávarbyggðunum. Í því samhengi er sérstaklega vakin athygli á tillögum þingflokks framsóknarmanna þar sem komið er til móts við þá aðila sem verða fyrir beinni tekjuskerðingu vegna samdráttar í fiskveiðum.

TIL BAKA

Prenta

Breytingar á lýfíki jarðar.

Það er dálítið uggvænlegt hvernig allt veðurfar er að breytast hér.  Það er farið að gefa út flóðaviðvaranir og það er farið að flæða víða og veðrið hér í hafinu er orðið stórsjóir svo langtímum skiptir.  Það var ekki svona jú það komu veður og það mikil veður en þau stóðu stutt kannski tæpan sólarhring eða kannski rúmlega það.  En í dag er alltaf vitlaust veður hér í hafinu.  Við erum að reyna að fá skip hingað til lands en þau komast bara ekki.  Þau berjast í fleiri daga og þurfa oft að snúa við og koma sér í var.  Við erum t.d. með tvö skip sem eru núna að reyna að komast en þurftu að snúa við og eru í vari. ´Retta er rosalegt .  Ég man ekki eftir því að ég hafi á mínum ferli sem skipstjóri að ég hafi þurft að snúa við eftir að maður var lagður af stað.  Maður seinkaði brottför eða flýtti ef svo bar undi´r, og þá erum við að tala um nokkra tíma.  Jarðarbúar verða að fara að spá í þessi gróðurhúsaáhrif.

Flóðaviðvörun við Norðursjó