flott hjá þeim

Það er magnað ef svona rassía er komin í gang.  Það er til fyrirmyndar hjá Birni Bjarnarsyni að Ída svona úr vör tala nú ekki um ef framhald verður á.   Stefán Eiríksson er að standa sig dj........vel.

Húsleit í Reykjavík vegna gruns um fíkniefnainnflutning

Föstudagur 21.09.2007

Hæ allir.  Ég var að hlusta á Alfreð Framsóknarmann varðandi Guðlaug Þór Þórðarson.  Þarna er gamall maður, sem er sár og bitur hvernig er komið fram við hann.  En hinsvegar hefur hann töluvert til síns máls, í þessu tilfelli.  Guðlaugur Þór Þórðarson er búinn að fara offari gegn Alfreð frá því að hann komst í Borgarstjórn, en hefur ekki orðið ágengt í sínu bulli.  Auðvitað er er það þannig að aldrei er hægt að gera svo öllum líki en ég held að Alfreð hafi skapað mikið fé til Orkuveitu Reykjavíkur til langs tíma tekið.enda segir þessi útekt sem var gerð fyrir atbeina Guðlaugs.  En hitt er annað mál að Alfreð fór með mjög mikið fé í Orkuveituhúsið og margt ljótt í kringum það sem kemur ekki uppá yfirborðið hjá neinum stjórnmálflokki af því að þeir eru allir eins.  Sjáið til dæmis þegar Guðlaugur Þór var að benda á fjárausturinn út úr Orkuveitunni til Borgarstjórnarflokks Framsóknar.  Hvað gerði Guðlaugur Þór eftir að hann tók við stjórnarformennsku þar hann bauð fyrir kosningar til fleiri þúsund manna veislu uppá Hellisheiðarvirkjun, til að afla sjálfum sér vinsælda fyrir prófkjör Sjálfstæðisflokksins.  Ég átti kost á að mæta þarna en mér hugnaðist ekki að svona hneyksli.  En nú er Guðlaugur Þór komin í Heilbrigðisráðuneytið og hvað gerir hann hann svælir sínum helsta andstæðing  úr pólitíkinni úr byggingastjórastöðunni fyrir Háskólasjúkrahússins án skýringa heheheheheh þetta er magnað.   Svona hefur Guðlaugur unnið áður, ég man þegar hann var að byrja í  Borgarnesi og á Vesturlandi í pólitík það er ekkert fallegur ferill ég er ekkert viss um að Pétur opni hurðina í miklu flýti þegar hann bankar þar.  Og ekki heldur fyrir Alfreð Pétur verður dálítið lengi að opna fyrir hann líka,  En við erum mannleg og Pétur virðir það kannski.  Kannski hjálpa þeir Sturlu inn líka

Kannski að það náist hákall núna.

Ég vona að það náist einhver sem er að fjármagna dæmið.  Ég hel að það standi einhver að baki þessum mönnum sem skaffar peningana.  En það þarf að gera meira það þarf að skoða einkaflugvélarnar, sem eru að koma í bunum hingað inn til landsins.  Til dæmis hefur maður ekki séð neina tollskoðun hjá þessu fyrirmönnum sem eru að koma til landsins.  Þegar við komum fljúgandi til landsins verðum við að fara í gegnum gegnumlýsingar og við verðum að fara úr skónum og fl.  En þegar við sjáum þessa fyrirmenn koma til landsins, þá koma flugvélarnar inná stæði hurðin opnuð og út koma menn án skoðunar og beint inn í bíl og keyra í burtu.  Engin getur vitað hvort menn eru með eitthvað inná sér.  Eins og við vitum fer fíknin ekki í manngreinarálit hver sé næstur.  Eins og við vitum er þessi fíkn í nánast öllum fjölskyldum ríkum sem fátækum ,konum sem körlum.

Fimmmenningarnir úrskurðaðir í gæsluvarðhald

Svona á að gera hlutina.

Til hamingju Stefán og hans teymi.  Það er akkúrat svona sem vinna á hlutina, til að bjarga æskunni frá þessum óþverra.  Ég vona að Björn Bjarnason sjái núna hversu nauðsynlegt er að veita meiru fjármagni til þessa málflokks.

Lögregluaðgerðum að mestu lokið í Fáskrúðsfirði

Er þetta ekki málið.

Er þetta ekki málið.   það eru að koma fullt af svona skipum hingað til lands.  Og lítið sem ekkert eftirlit með þessum skipum.  Lítið sem ekkert tolleftirlit og eftirlits lítil sveitarfélög.  Og hellingur af dópi um allt.

„Greinilega stórmál í gangi á hafnarsvæðinu á Fáskrúðsfirði"

Miðvikudagur 19.09.2007

Hæ

Ég er að fíla þessa vinnu mjög vel, þetta er næst því að vera í askjóninni á sjónum.  Þetta er ótrúlega spennandi.  Ég er að gera þá hluti sem mér finnst skemmtilegast að vera í sambandi við fólk út um allt land og einnig út í Evrópu.  Þetta er mjög lærdómsríkt. 

Ég hef verið að leika mér svolítið núna ég er í golfinu  og er bara að leika mér fyrir mig.  Litlu afabörnin mín eru mikið hjá okkur og það er bara yndislegt:  Magnús minn er að spila handbolta á fullu með Fram, og hann á einmitt að fara að keppa um helgina og kallinn verður að mæta og hvetja drenginn sinn.  Ég vona að ég komist en ég þarf að taka á móti tveimur skemmtiferðarskipum í Keflavík á Laugardagsmorgun.

Annars er bara gott af mér að frétta, ég er í skólanum og ég er að reyna að myndast við að vera að hreyfa mig aðeins þar sem þessi vinna krefst ekki mikillar likhamlegar  áreynslu svo að maður verður að gera eitthvað í sínum málum enda veitir ekki af af nóg er af að taka. Síðan er ég að vinna í Bridge fjárfestingaklúbbnum en þar er algjör sprengja í nýskráningum.  Endilega hafið samband ef þið viljið kinna ykkur það consept.   e-malið hjá mér er  [e-mail]

Meiri hugrenningar

Hæ.

Það er meira sem ég er búin að reyna að afla mér varðandi Breiðafjarðar ferjunnar Baldurs.  T.D. Íslenska Ríkið átti Baldur að ég best veit, og var Vegagerðin með yfirráð yfir henni.  En eitt er skrítið,þegar Baldur var seldur og hver sá um söluna haldið þið?????  Sæferðir sá um hana er það ekki skrítið að fyrirtæki sem er með skipið í rekstri samkvæmt útboði sjái um söluna?  Annað hvað var hið raunverulega söluverð, hefur einhver athugað það??  er til uppgjör á því fjármagni sem átti að koma í ríkiskassann, eða fór það til kaupa núverandi Baldurs og hver er þá eigandi á núverandi Baldri er það ekki Sæferðir.  Hvar er þá söluverðið á Baldri gamla??  Hver var eftirlitsmaður með sölunni frá Vegagerðinni?

Einnig er skrítið að Siglingastofnun leyfir það að áhöfn Baldurs kemst upp með að nota I.S.M kerfið hvar er Port stait control?  Er það heimilt ekki samkvæmt því að ég best viti, þá verða öll kaup og farþegaskip að vinna með I.S.M kódann og fylla út skjöl samkvæmt því.  Hver er eftirlitsaðli með því.  Það er til meira í sarpinum hjá mér en þetta eru spurningar sem gaman væri að fá svör við, en ég er búinn að vera að reyna að fá svör en hef ekki fengið nægilega góð svör, og þau sem ég hef fengið þori ég ekki að byrta hér.

Mánudagur 17.09.2007

Góðan daginn.

Það er eitt svolítið skrítið.  Þegar ég var á Akraborg þá voru gerðar miklar kröfur vegna lekastuðuls þar sem Hún (Akraborg) var undir svokölluðu A.og B svæði samkvæmt stuðli S.O.L.A.S.  En S.O.L.A.S kröfurnar voru síðan teknar upp hjá Evrópusambandinu.  Þegar nýjasti Baldur var keyptur þurfti að breyta honum töluvert og hann féll varla undir kröfurnar hjá Evrópusambandinu umöryggi sjófarenda á svæðum A. hvað þá heldur B. varðandi lekastuðla.  En þá kom Sturla Böðvarsson inn og lét Siglingastofnun finna út að Breiðafjörðurinn væri einungis samkvæmt skilgreiningu A samkvæmt kröfum Evrópusambandsins og S.O.L.A.S.   Þetta er hið furðulegasta mál þar sem þarna er mikið af skerjum og mjög straumhart og einnig hefur meira að segja ferjan Baldur (Baldur sem var smíðaður á Akranesi) strandað.  En þetta eru skip sem eru að flytja fólk og bíla og er furðulegt að kröfum um öryggi sé breytt í þeim eina tilgangi að auðvelda og gera ódýrari þær breytingar sem þurfti að gera á þessu skipi.

Annað sem er svolítið skrítið, er að Vegagerðin átti og rak Baldur og var síðan flutningurinn boðin út eins og Herjólfur og Sæfari.  En á ákveðnum tímapunkti fékk þetta fyrirtæki Sæferðir þennan flutning þó svo að þeir (Sæferðir)væru að reka einkarekstur með skoðunarferðir út frá Stykkishólmi.  En það er bannað að blanda saman ríkisrekstri og einkarekstri.  En það var ákveðið hagræði af því hjá þeim enda var eldhúsið um borð í Baldri notað linnulaust til að útbúa samlokur og annað sem selja átti um borð í hinum skipunum.  En allur matur keyptur út á Baldur.  Það er meira skrítið sem er í kringum þetta útboð og rekstur sem ég segi frá síðar.  En í framhjá hlaupi er fyrrverandi Samgönguráðherra og eigandi Sæferða miklir kunningjar.

Sunnudagur 16.09.2007

Hæ allir.

Ég er búin að vera á þvælingi alla síðustu viku um Austurland.  Við fórum í vinnuferð 4. saman, og við fórum upp áð Kárahnjúkum og fengum sérstaklega fallegt veður,og einstaklega persónulega leiðsögn u svæðið.  Þetta mannvirki er stórkostlegt,og þeim sem að því stóðu til fyrirmyndar.  Þarna er ekkert nema auðnin, sandur og möl.  Síðan kemur maður að þessum glæsilegu mannvirkjum og að sjá hversu glæsileg þau eru.  Við fengum að fara inn í göngin sem eru undir stíflunni og þar fengum við að sjá hvernig lögmál Jegtorsinns  er að virka.  Það er verið að hleypa vatni út til að stýra hæð lónsins og það var magnað að finna hversu miklu lofti vatnið dældi niður um göngin og út algerlaga magnað.  Einnig er rosalega flottur frágangur á stíflunum öllum frábært alveg.  Ég áttaði mig aldrei hversu tórt og mikið þetta er allt.  Síðan fórum við niður í stöðvarhús, og hittum þar fyrir hana Sollu sem veitti okkur algerlega frábæra leiðsögn um stöðvarhúsið og hún fór með okkur um allt undir túrbínur og bara allt,  Takk fyrir það Solla algerlega magnað hversu magnað mannvirki þetta er.  Og ég skil ekki þá sem eru að mótmæla þessu mannvirki og eins og það er.  Þarna uppeftir komu kannski 100 manns á ári en með tilkomu þessa mannvirkis geta allir komist þangað uppeftir á bundnu slitlagi þökk sé Landsvirkjun.  En hitt er svo annað mál hvernig við eiðum raforkunni í álver eða eitthvað annað er síðan annað mál.  Það eina sem stakk mig var sjónmengunina af línumöstrunum, en það er ekki svo mikið miðað við hversu stórkostlegt mannvirki virkjunin og stíflan er.  Við fórum einnig niður á alla firði Fáskrúðsfjörð, Reyðarfjörð,Eskifjörð,Norðfjörð.  Það var gaman að koma á Fáskrúðsfjörð.  Fyrst að keyra í gegnum þessu flottu göng og síðan að sjá bæjarfélagið frábærlega snyrtilegur bær.  Þegar ég kom þarna fyrir nokkuð mörgum árum fannst mér Fáskrúðsfjörður einn sóðalegasti bærinn á austfjörðum en í dag er hann einn flottasti bærinn. 

En það er annað þegar maður kemur á norðaustur hornið fyrir utan Vopnafjörð og Þórshöfn sem eru mjög flottir bægir en það var ekki eins líflegt á Raufarhöfn og þar í kring þar þyrfti Steingrímur J. að hætta að segja nei við öllu.  Síðan Kísilverksmiðjan hætti er bara allt á niður leið.  Auð hús og bægir verslanir og bara allt á niðurleið það þyrfti að hressa uppá þennan hluta landsbyggðarinnar og í raun er það aðdáunarvert hjá fólki að halda þessum sveitarfélögum í byggð.  En meira um þetta síðar.

Ég er að tína saman svör við ýmsum spurningum varðandi Breiðafjarðar ferjunni Baldur.  Þar er mikið búið að vera í gangi sem er ekki alveg eðlilegt, og sýnist mér að hlutur Sturlu Böðvarssonar í því dæmi er ekki eðlilegur en ég kem til með að segja frá því þegar ég er búin að fá þau svör.

 

Sirrý mín innilega til hamingju með afmælið í dag.

Ég er búin að vera ............ Kannski er Breiðafjarða ferjan Baldur næst inn í umræðunna.

Hæ allir.

Ég er búin að vera í burtu í nokkra daga og því ekki í bloggfæri.  En ég er búin að vera að afla mér gagna um störf Sturla Böðvarssonar og hvernig hann er búin að vera notfæra sér aðstöðuna sína undanfarin ár sem Ráðherra.  Þar á eftir að koma ýmislegt fram sem margir verða hissa á.  Ég mun koma með smá sýnishorn á morgunn.