Vonum það besta............

Vonandi finna þeir eitthvað til að mæla.  Það er svo mikilvægt á þessum tímum, og svo mikið undir, að það veiðist eitthvað á þessari vertíð.

Ég get verið því samála að við eigum ekki að vera að taka stóra sjensa uppá að útrýma ekki stofninum,og við verðum að hugsa um heildina,eins og þorskinn og fl, en við megum ekki gleyma hvalnum það verðum þá að fækka þeim allavega við erum að tala um að þeir eru að éta eina milljón tonn á ári. 

Það eru fyrirtæki sem eru búin að fjárfesta mikið í þeirri von um að þetta aflaverðmæti komist inní reksturinn hjá þeim.  Sumir eru að láta byggja skip og aðrir eru búnir að byggja frystigeymslur og fleira í þeim dúr.

Svo eru bankarnir búnir að loka fyrir útlán til útgerða og peningamarkaður á niðurleið.  Íslendingar hafa ekki efni á að stoppa núna að mínu mati,allavega verða menn að vera snöggir að grípa til mikilla mótvægisaðgerða svo sem byggingu á álveri í Helguvík lagningu Sundabrautar og fl þetta verður að fara í gang tafarlaust.

Haldið í loðnuleit

Athugasemdir

[Árni Sigurður Pétursson, 24.2.2008 kl. 22:55]

hvernig hjálpar álver í helguvík eða sundabraut

loðnusjómanni í vestmannaeyjum eða konu sem að vinnur í frystihúsinu á eskifirði ?

eða bara fyrirtækjunum á þessum stöðum ?

skil þetta rugl að halda því fram að vegagerð einhver staðar út á landi, hjálpi fólki sem að missir vinnuna í sinni heimabyggð. 

já eða missa 34 - 40 % af launum 

[Einar Vignir Einarsson, 24.2.2008 kl. 23:35]

Sæll Árni það hjálpar ekki sjómanninum eða fyrirtækjunum beint en það gæti kannski rifið upp efnahagslífið hér.  Það þolir ekki svo mikið högg.  Það þarf auðvitað að koma með sértækar aðgerðir fyrir þessar byggðir eins og Vestmannaeyjar og fleiri staði.  Það skapast auðvitað störf við meiri framkvæmdir, og við það er léttara að koma öllu í gang aftur.  Við svona stórar framkvæmdir verða til góð og tekjumikil störf á byggingartímanum ertu ekki sammála?

[Árni Sigurður Pétursson, 25.2.2008 kl. 00:05]

jú vissulega verða til  góð og tekjumikil störf.

en málið að þau hjálpa einsog ég segi, ekki manneskjunum sem að eru á eskifirði, djúpavogi eða eyjum svo að ég nefni nokkur dæmi.

álver í helguvík og sundabraut eru hvort tveggja verkefni sem að fyrirtæki taka að sér og hefa líklegast 80% af mannskap til verkefnisins allavega.

[Óskar Arnórsson, 25.2.2008 kl. 00:36]

Hafró eru snillingar í mælingum! Hvað eru þeir annars að mæla! Það þarf engan Hafró skipaflota til að leita að loðnu eða fiski. En þeir þurfa að gramsa í honum líka til að sjá hvað er í maganum á honum og draga síðan spekingslegar ályktanir af því. Þvílík vísindi! Hvalur og selur er ekkert reiknaður inn í þessi vísindi. Selir lifa sældarlífi og verður offjölgun hans til að setja allt úr balans.. Hvalurinn étur bæði fæði loðnu og loðnuna sjálfa, þarf einhverja vísindamenn að sjá hvað þarf að gera? Hvernig væri að vopna þessi Hafró skip fallbyssum fyrir hvali og djúpsprengjum fyrir seli svo þeir geti þá alla veganna sagt að þeir séu að vinna að verndun fiskistofna! Að öðru leyti eru þeir uppteknir við að gera ekki neitt. En nú eru þeir farnir að trúa því sjálfir að þeirra hlutverk sé raunverulega að vernda fiskistofna. Hafró er nýjasti trúarflokkurinn á Íslandi.

[Grétar Rögnvarsson, 26.2.2008 kl. 10:35]

Því miður held ég að það sé búið að ákveða að slá þessa vertíð af og ég er alveg sammála því sem þú segir Árni hér fyrir ofan, lítið spáð í hvali eða seli í reikniskúnstum þeirra. Og svona til áréttingar viljum við loðnuskipstjórar ekki útrýma stofninum eins og margir hafa haldið fram, viljum stunda ábyrgar veiðar. Erum bara ekki sammála Hafró að þessu sinni.