Þá er rétt sem Davíð segir....

Þetta eru þá landráða og óreiðumenn sem eiga að fara beinustu leið í fangelsi og ekki orð meira um það.  Ég er nefnilega farin að halda það að allt sem Davíð hefur verið að segja er því miður rétt. 

Niðurstaðan er þá sú að Jónína Ben og Davíð Oddsson eru þá þau einu sem eru að segja sannleikan í þessu þjóðfélagi. 

Rannsókn nauðsynleg vegna galdmiðlaskiptasamninga

Athugasemdir

[Einar Vignir Einarsson, 10.1.2009 kl. 09:42]

Sæll Stefán.

 Ég er algerlega sammála þér.  En það er hjákátlegt að svona skuli vera eins og virðist vera að menn sem höfðu aðgang að bankakerfinu skuli hafa tekið skotstöðu gegn Íslensku krónunni og koma landinu í þrot.

[Ólafur I Hrólfsson (IP-tala skráð) 10.1.2009 kl. 09:50]

Smá athugasemdir - þessu með stýringar bankastjóranna gegn krónunni hafa verið þrálátar - Sigurjón í Landsbankanum á að hafa á þessum ákvörðunardögum gengið til ákveðins starfsmanns og sagt - settana á xxxx.

Meinið er að allt eru þetta óstaðfetar flugufregnir - flugufregnir sem verður að sanna áður en farið er að henda mönnum á Hraunið. Ekki þar fyrir - einhverjir hafa farið þangað um lengri eða skemmri tíma fyrir minni sakir en þær sem útrásargreifarnir eru sekir um. Forsetinn þar á meðal. Ekki setja harðsvíraða stjórnmálamenn í Seðlabankann eða á Bessastaði segir Stefán. Davíð Oddsson er annar tveggja sem hefur sagt satt segir Einar. Skoðanamunur? Já. Og hvað varðar "skítlegt eðli" - kerlingin (eins og þú segir) sem sagði þetta situr í embætti forseta. Sá forseti - Ólafur Ragnar Grímsson hefur að mínu áliti hafið merkingu orðanna - skítlegt eðli - upp í nýjar hæðir með sjálfsvorkun sinni og falskri afsökunarbeiðni ( ef það var þá afsökunarbeiðni ) um áramótin. Ólafur Ragnar - einhver argasti málsóði þingsögunnar breyttist ekkert við það að fara til Bessastaða. Leiðtogi útrásarmanna - hver er hans ábyrgð??

Ólafur I Hrólfsson

[Birgir Guðjónsson (IP-tala skráð) 10.1.2009 kl. 09:55]

...money money money....

[Sigurður Sigurðsson, 10.1.2009 kl. 09:59]

Frekar finnst mér lágkúrulegt hjá þér Stefán Jóhann að taka undir orð klappstýrunnar á Bessastöðum og segja manninn með "skítlegt eðli". 

Viðurkenndu nú bara að Davíð hafði alla tíð rétt fyrir sér í þessu máli, hann er búinn að marvara við ástandinu og hefur útskýrt oft hvernig hann gerði það.  Því finnst mér broslegt hjá þér að kalla það allt aðgerðarleysi. 

Hvað finnst þér um þátt viðskiptaráðherrans og hans orð frá því í ágúst s.l.:

„Þegar KB banki opnaði útibú í Lúxemborg fyrir nokkrum árum óraði líklega engan fyrir því hve vel íslensku fjármálafyrirtækjunum ætti eftir að ganga við að hasla sér völl á erlendri grundu. Ævintýralega vel er kannski rétta orðið yfir það. Kjarkur, þor og góð þekking íslensku útrásarmannanna skilaði meiri árangri hraðar við fjárfestingar erlendis en hægt var að sjá fyrir og víkingurinn hefur vakið athygli á alþjóðavísu. Ekki síst þegar lagt er saman við aðra útrás Íslendinga erlendis í verslun, iðnaði og þjónustu ýmiskonar.

Auðvitað skortir ekki úrtölur eða þá sem telja sig knúna til að tala útrás og fjárfestingarævintýri Íslendinga erlendis niður. Þannig eru nú hlutirnir einu sinni og því er það mikilvægt nú þegar hægir tímabundið á útrásinni vegna þrenginga á erlendum mörkuðum að halda frábærum árangri þessara flaggskipa atvinnulífsins okkar ríkulega til haga. Þetta eru okkar voldugustu fyrirtæki og nokkrar af helstu undirstöðum efnahagskerfis okkar til lengri tíma.“

 Þetta sýnir mér það að þáttur Samfylkingarinnar, sem alla tíð hefur varið spillinguna í viðskiptalífinu og ég tala nú ekki um ákveðinn hluta Framsóknarflokksins (Kjalar dæmið er nú aldeilis besti vitnisburðurinn um það hvernig menn eru að rústa íslenzkt samfélag) er stærsti hluti vandans.

Ekki detta í það far að saka mann eins og Davíð Oddsson um spillingu.  Það er barnalegt.

[Guðbjörn Guðbjörnsson, 10.1.2009 kl. 10:49]

Nei, það má segja ýmislegt um Davíð, en að hann sé spilltur, það held ég nú ekki!

Hins vegar hafði hann ekkert í stól seðlabankastjóra að gera, en það er bara ekki til umræðu hér.

Ég er sammála um að það séu fáir að segja sannleikann núna. Það er þó þannig með sannleikann að hann kemst alltaf upp á borðið á endanum. Og þótt Íslendingar hafi ekki gott minni, þá er þetta mál það stór að við munum bíða eftir að hann komi í ljós.

Það eru engir tætarar nógu stórir til að tæta þessi mál í sig. Síðan megum við ekki gleyma litlu símamönnunum, sem leynast víða!