Gátu menn ekki mátt eiga von á að vera .....................

Hirtir fyrir að vera með fíkniefni í fórum sínum.  Þetta var engin smá skammtur.  Sem ekki yrði notaður á einu kvöldi.  Þegar menn taka þátt í því að meðhöndla fíkniefni eiga menn líka að búa sig undir að vera böstaðir. 

Ég sem faðir og afi, þá innst mér dómar fyrir svona smygl aldrei of þungir.  Mér er sama hvort menn eru að smygla áfengi og sígarettum,þó ég sé ekki að mæla því bót, finnst mér fíkniefni (sterk fíkniefni) vera það mikill skaðvaldur að það er ekkert sem réttlætir gjörðir þessara manna því miður.

 

Ósáttur við saksóknarann

Athugasemdir

[smeppi (IP-tala skráð) 17.1.2009 kl. 20:29]

Amfetamín og e-pillur eru nú ekki talin sterk fíkniefni þó ég sé ekki að mæla því bót. Ef menn myndi í raun taka sig til og kynna sér málin þá myndu þeir komast að þeirri niðurstöðu að áfengi og sígarettur eru talsvert skaðlegri, því miður.

[Davíð S. Sigurðsson, 17.1.2009 kl. 21:13]

Mér finnst það aldrei réttlætanlegt að fangelsa menn fyrir að smygla inn efnum sem selja sig algjörlega sjálf, eftirspurnin er þvílík, á meðan t.d nauðgarar fá fáranlega lága dóma, og þeir eru búnir að rústa lífi einhvers/hverja.

Það er löngu vitað mál að stríðið gegn fíkniefnum er algjörlega tapað, fólk verður einfaldlega að horfast í augu við það að er verið að moka morðfjár á að reyna að stoppa eitthvað sem ekki stoppað verður.

Fólk einfaldlega vill komast í vímu.

í rúm 50 ár hefur stríðið staðið yfir og það hefur engu skilað, nema að fíkniefni eru orðin ódýrari, hreinni, sterkari og auðfengnari.

Í staðinn fyrir að ausa aurunum í fíkniefnalögreglu með tilheyrandi eftirliti og kostnaði, afhverju ekki einfaldlega að lögleiða þetta og skattleggja, geturu ímyndað þér hvað ríkið tapar mikið á ári á peningum sem fara í ólögleg fíkniefna kaup?

Og að lokum, afhverju er í lagi fyrir mig að drekka mig blindfullann niðrí bæ, og sýna svipuð einkenni og heróin fíkill í sterkri vímu (nema heróin fíkillinn er etv ekki jafn þvoglumæltur) en svo er það harðbannað fyrir einhvern að fá sér kókaín? hver er munurinn?

Ég er á engann hátt að mæla til eða með fíkniefnaneyslu, ég er einfaldlega að horfast í augu við staðreyndir.  

[Einar Vignir Einarsson, 17.1.2009 kl. 21:30]

Sælir. 

Ég er ekki að mæla áfengi bót, ég veit líka að áfengi er löglegt og allt byrjar á áfengi það vita allir.  En ég hef líka séð hörmungar sem fylgja hinum efnunum.  Það eru rosalegar afleiðingar og menn breytast í skrímsli, menn gera það líka með áfengi ekki misskilja mig.

[Hlynur (IP-tala skráð) 17.1.2009 kl. 21:51]

Einar Vignir, ég er sammála þér. Dóphausarnir eru farnir að gera sig breiða á blogginu. Óþolandi þegar menn reyna að réttlæta dópneyslu með því að benda á annað slæmt. Menn bæta ekki eitt böl með að benda á annað. Það er vitað. Og að halda því fram, eins og þessi Smeppi gerir, að amfetamín og e-pillur séu ekki talin sterk fíkniefni er bara einfaldlega heimska.

Hugsaðu þér Einar, að sumir eru svo ruglaðir orðnir að þeir koma undir fullu nafni á netinu og opinbera ást sína á eiturlyfjum. Ég er líka sammála þér að þeir sem eru staðnir að svona stórfelldum innflutningi eiga að fá mjög þunga dóma.

[Snorri Magnússon, 17.1.2009 kl. 22:35]

Það virðist alltaf koma þeim, sem standa í lögbrotum, alltaf janfmikið á óvart að vera gripnir við glæpinn hver sem hann er og oftar en ekki er reynt að finna einhvern blóraböggul.  Alltaf finnst þeim, sem dæmdir eru, dómarnir of þungir og oftast finnst þeim, sem brotið er gegn, dómarnir allt of vægir.

Það er alltaf einhverjum allt öðrum að kenna en lögbrjótnum hvernig komið er.  Ég keyrði yfir á rauðu ljósi og helv... löggan var þarna, allt löggunni að kenna!  Ég var með fullt rassgat af fíkniefnum og helv... tollurinn stoppaði mig, allt tollinum að kenna!  Ég var að selja börnum fíkniefni og helv... fíknó böstaði mig, allt fíknó að kenna!  Ég var dæmdur fyrir glæpi mína og sit nú í fangelsi, allt helv... saksóknaranum og dómaranum að kenna!

Þeir sem vilja tjá sig um orsakir og afleiðingar fíkniefnaneyslu ættu að lesa sér til áður en ætt er út á ritvöllinn.  Hér eru nokkrar áhugaverðar slóðir:

http://www.ecad.net/

http://www.lydheilsustod.is/

http://www.druglibrary.org/

http://www.christian.org.uk/html-publications/cannab1.htm

http://www.globalchange.com/truth-about-drugs-chapter-10.htm

http://www.saa.is/

[Einar Vignir Einarsson, 17.1.2009 kl. 23:16]

Þeir sem hafa verið í Færeyjum vita að meðferð við smygli er mjög hörð þar.  Ég sjálfur hef verið tekin þar fyrir smygl.  Og harkan var mjög mikil og kostaði útgerðina fleiri hundruð þúsund.  Þó var smyglið bara 25 kíló af harðfirsk sem var gjöf til fólks sem´bjó í Færeyjum.  En fyrir þetta var skipið kyrrsett og ég fór beint í varðhald, þar til útgerðin leysti mig út.  HEHEHEHHE

[Jon Gretar (IP-tala skráð) 18.1.2009 kl. 03:17]

Snorri: Jámm.. Enginn er að segja að eiturlyf séu hættulaus. Annars voru breskir vísindamenn að endurraða eiturlyfjum eftir hættuflokki. Mig minnir nú að áfengi hafi verið í þriðja sæti beint á eftir heróíni og kókaíni. Tóbak í áttunda eða eitthvað. Þetta var reiknað út eitthvað miðað við hættu á misnotkun og hlutfallsega hversu margir af neytendum látast. Ecstacy og amfetamín náði ekki inn í topp 10. Þannig að þegar þér er sama um smigla á "léttum" fíkniefnum á borð við áfengi og tóbaki mundu bara að þú ert að tala um það sem drepur flesta hlutfallslega og einnig eitt af mest ávanabindandi efnunum.

Ég verð náttúrulega að tala varlega þar sem hatrið gegn þessu er svo sjúklegt að það má ekki benda á að það væri hægt að koma í veg fyrir þetta með minna róttækum aðferðum. Þá er maður flokkaður sem "dópisti". En þegar ég er að tala um þetta þá er tilgangurinn bara að benda á að það er hægt að minnka dauðsföll. Sviss hefur nánast útrímt dauðsföllum af völdum sterkra fíkniefna. En það má ekki segja það. Hatrið er svo mikið að fólk er tilbúið að leyfa þúsundum íslendinga að drepast áður en það skoðar þær einu aðferðir sem hefur verið sannað að virki.

[Smeppi (IP-tala skráð) 18.1.2009 kl. 05:14]

Heyrðu mig Hlynur, held það sé nú óþarfi að fara útí uppnefni. Ef þú lest jafnvel póstinn aftur sérðu að ég er einungis að benda á staðreyndir. Hugsanlega gæti ég meinað að það ætti einnig að banna áfengi og tóbak.