Enn meira,

Er þetta ekki fyndið.  Fyrrum eigandi gerir grín að ráðamönnum . 

Ísland vann í lottóinu

Laugardagur 25.08.2007

Hæ. ég var að vafra um bloggið og kom þá inná síðuna hjá Sigurjóni Þórðarsyni og lítið á þessa grein

Hesthús fjármálaráðherra kostuðu glás og meira en Grímseyjarferjan

Ég heyrði í vikunni í miklum stuðningsmanni Sturlu Böðvarssonar og var hann verulega ósáttur við formann Sjálfstæðisflokksins að láta eineltið vegna Grímseyjarferjunnar ganga svo langt sem raun ber vitni gegn forseta Alþingis.

Stuðningsmaður Sturlu rifjaði upp fyrir mér að Árni Matt fjármálaráðherra hefði verið stórtækari en Sturla í að moka út peningum úr ríkissjóði sem ekki var heimild fyrir í fjárlögum. Í  fyrra kom fjármálaráðherra því til leiðar að á fjórða hundruð milljóna hefðu farið í byggingu hesthúsa á Suðurlandi. 

Samkvæmt 33. grein fjárreiðulaga er einungis heimilt að greiða úr ríkissjóði fé til verkefna sem ekki eru heimuluð í fjárlögum ef ófyrirséð atvik eru þess valdandi og greiðslan þoli enga bið.  

Útgjöldin voru að því leyti ófyrirséð að enginn sá það fyrir þegar fjárlögin voru afgreidd að Árni Matt þyrfti að etja harðvítuga keppni við nafna sinn Johnsen um að leiða lista Sjálfstæðismanna á Suðurlandi.  Þessi skyndilegi fjáraustur  úr sameiginlegum sjóðum landsmanna var jú liður í prófkjörsbaráttunni og hefur eflaust skipt sköpum  að fjármálaráðherra náði að merja sigur á flokksbróður sínum Árna Johnsen.  

Það er greinilega þung undiralda meðal Sjálfstæðismanna víða sem furða sig niðurskurði aflaheimilda í kjölfar ráðgjafar sem æ færri hafa nokkra trú á að muni skila nokkrum árangri.  

 

Ef þetta er raunin þá er Árni Matthíssen ekki í góðum málum.  Hann er rosalegur ef þetta er rétt.

Föstudagur 24.08.2007

Hæ.

ÉG vil byrja á því að Óska Möggu minni hjartanlega með afmælið hún er 28 ára í dag.  Við vorum bara börn þegar hún kom í heiminn á Akranesi Sirrý 17 ára og ég 19  Við vorum að byrja lífið og Magga var svo mikið að flýta sér að verða fullorðin að það var ekki fyndið.  Hún var mjög fljót að fara sínar eigin leiðir og vildi ráða sér sjálf þessi elska og alstaðar sem hún kom fór það ekkert á milli mála he he he he.  En í dag er Magga að flýta sér hún er búin að eignast 3, yndisleg börn og er í Háskólanum í Reykjavík og fl þessi stelpa er og hefur alltaf verið sprengja í dugnaði   Til hamingju Magga mín.

Undan farið er ég búin að fylgjast með umræðunum un Gírmeyjarferjuna og er enn sannfærðari um að bæði Sturla Böðvarsson og Árni Mallhísen eiga að segja af sér þingmennsku þó ekki nema bara af því að þeir keyptu skipið án heimilda það eitt er nóg.  Árni Johnsen og Guðmundur Árni þurftu báðir að segja af sér þingmennsku af minna tilefni.

Eins og ég sagði frá um daginn var ég að byrja í nýrri vinnu, sem er ekki frásögu færandi nema það að ég er rosalega ánægður með allt starfsumhverfi þarna.  Ég er búin að kynnast fleirum fyrirtækjum  en þau eru ekki að búa svona vel að fólkinu sínu að mér sýnist, en það skal tekið fram að ég er nýbyrjaður og engin reynsla komin á þetta.  Það ríkir einhvernvegin mikil glaðværð og samheldni innan veggja fyrirtækisins, ég var einmitt að tala við einn kollega minn í dag og hann var að segja það sama.  Manni er hjálpað mikið að komast inn í hlutina og síðan er starfsmannafélagið mjög virkt.  Til dæmis var í vikunni Salsa þema á fimmtudaginn með hljómsveit og pinna mat og flottheitum og á morgun er fjölskyldu grill.

Loksins Loksins Loksins.

Það er gaman að fylgjast með umræðunni um þetta hneyksli.  Nú koma menn og reyna að hvítþvo hendur sínar.  Þið sem hafið fylgst með skrifum mínum hafa getað lesið í gegn að ég veit um meira sem fram hefur komið í ljós, enda er alltaf að koma meira og meira í ljós.  Ég hlustaði á umræður milli Sifjar Friðleifsdóttir og ég held að hann sé varamaður Samfylkingar en kemur hvergi fram sem slíkur.  Þar kom fram að þau tvö höfðu grunsemdir um að Sturla Böðvarsson hafi logið að þinginu. Og ekki haft heimildir fyrir þessum kaupum.  En það er gott að fjármagna sjálfan sig til framboðs til Alþingis með einhverjum loforðum og lýðurinn borgar. 

Síðan kemur maðurinn sem gagnrýni þetta sem mest núverandi Samgönguráðherra og liggur við að hann hylmi yfir skítinn.  Ég horfði á Ísland í dag þar sem var viðtal við Birgir Jón formann fjárlaganefndar þar sem fram kom að ekki var nein heimild var fyrir kaupunum fyrr en að gamli Sæfari væri seldur. 

Þarna skín í gegn að einstakir ráðherrar eru með einhverja skúffupeninga og eru menn að ráðstafa þeim að eigin geðþótta.  Svo er það hismum hismum hver er svo heppin að fá peninganna í það og það skiptið, og allir eru ábyrðarlausir, glæsilegir menn þetta sem við erum að kjósa til Alþingis.

Segir fjármögnun Grímseyjarferju innan fjárreiðuheimilda

Sunnudagur 19.08.2007

Hæ.

'eg er búin að hafa það fínt um helgina.  Ég er búin að vera menningarviti .  Við fórum á Klamra-Miklatún og horfðum á nokkrar hljómsveitir í boði Landsbankann.  Þetta eru frábær framatök hjá bönkunum og listamönnum mikil lyftistöng til að getað ræktað í sér lystagenin og komið þeim á framfæri. Við fórum svo niður á Laugaveg og enduðum inn á Dillon til að sjá Mínus spila.  Við gáfumst upp því að unglingurinn minn hann Magnús Máni fannst þetta óbærilegur hávaði .  Svo að við röltum niður að sjá til að horfa á flugeldasýninguna.  Og ég sá ekki eftir því, þetta var flottasta sýning sem ég hef séð hér á landi.  Takk fyrir hana Orkuveita Reykjavíkur.  Við vorum á frábærum stað og ekki troðningur eða neitt en ég hef ekki séð eins mikið af fólki á Menningarnótt.  Það er líka miklu betra að fara með sýninguna út á ytri höfnina, og það eru miklu betri aðgengi fyrir alla að sjá hana enda er hún há punkturinn á Menningarnótt.

Síðan í dag er ég bara búin að vera rækta sjálfan mig á sál og líkhama.  Ég er búin að vera að lesa og síðan fara á fund,og síðan fór ég með barnabörnin mín í langan göngutúr enda var amman að vinna svo að það var bara fínt að rölta með börnunum.  Þetta var rosalega gaman og gaman að vera með þeim.  Síðan eru allir í mat hjá okkur í kvöld.

Þetta er rosalega dapurt.

Það er eins og Ferguson eigi ekki ráð.  Hann er að byrja tímabilið alveg út úr kú.  En þetta hlýtur að koma fljótlega.  En samt ánægður með jafntefli hjá Chelse og Liverpool.

Manchester City efst eftir sigur á Manchester United

Föstudagur 17.08.2007

Hæ allir.  Ég er búin að vera að horfa á tónleikanna sem voru á Laugardagsvelli, og eiga Kaupþing menn heiður skilið fyrir þetta framtak.  Og Einar Bárðarson og hans crew til hamingju.  Garðar Thor, Bubbi því líkir snillingar og sjálfur disco kóngurinn alltaf flottur.  Til hamingju Kaupþing banki.

Annað sem gladdi mitt hjarta, sem sýndi mér að ekki er ég einn í myrkrinu varðandi stóra ferjumálið, Bubba Morteins er nóg boðið, og fullt af fólki greinilega.   Hvar er Forsætisráðherrann af hverju þegir hann algerlega???  Er ekki komin tími á að einhver taki pokann sinn.  Allavega verður einhver að bera ábyrgð.  Geir Haade  hefur verið í miklu uppáhaldi hjá mér og mér finnst hann flottur og einn besti Forsætisráðherra í nokkuð mörg ár, mér finnst hann eigi að stíga fram og láta sína undirmenn æxla ábyrgð.  Það er ekkert annað en þjófnaður frá okkur sem erum að borga til samfélagsins að leyfa mönnum að stela 2-300 milljónum úr ríkiskassanum.  Þetta eru ekki peningar einstakra ráðherra þetta er okkar fé, og löngu tímabært að fyrrverandi Samgönguráðherra segi af sér þingmennsku og það strax.  Árni Johnsen var þvingaður til að segja af sér fyrir þjófnað því ekki aðrir???.

Annars er þessi dagur búin að vera svolítið viðburðaríkur hjá mér.  Ég var að hefja störf hjá Samskipum.  Ég er  Viðskiptastjóri í stórflutningadeild og mér líst rosalega vel á mig þarna.  Þarna hitti ég fyrir nokkra gamla skipsfélaga og vini sem ég hef ekki hitt í nokkur ár.  Það var rosalega gaman að sjá þessa stráka aftur eftir svona mörg ár, sem segir manni að maður gerir aldrei nóg af því að rækta vinarsamböndin.  Mér fannst til fyrirmyndar að koma inn sem nýr starfsmaður, það var rosalega vel tekið á móti mér og farið í gegnum fyrirtækið og ég kynntur fyrir öllum helstu verðandi samstarfsfélögum.  Síðan er manni réttar leiðbeiningabækur um fyrirtækið og maður er beðin að kynna sér vel fyrirtækið og annað og gefa sér tíma til þess,

Frábærar móttökur.

 

Miðvikudagur 15. 08. 2007

Hæ.

Það er búið að vera mikið að gera hjá mér í dag.  Ég er búin að vera mikið í gagnasöfnun og fl.  Síðan fór ég í klippingu og fór svo til Þóru vinkonu minnar í Bridge Investment club.  Það var fundur þar og var verið að kinna fyrir okkur það nýjasta hjá klúbbnum.  Einnig var verið að raða niður á kynningarfundi sem eiga að vera í vetur.  Ég verð með Skagann og Snæfellsnesið og Vestfirðina. 

Skagamenn endilega að mæta á kynningu það er engu að tapa allt að vinna.

Ég var að fletta albúminu hjá mér, og ég verð að monta mig aðeins af afabörnununum mínum.  Þau eru svo skemmtileg að hálfa væri nóg.  Allavega finnst mér það.  Það er svo langt síðan að ég hef haft tíma til að njóta þeirra að var ekki fyrr en ég kom í sumarfrí að ég gat farið að skemmta mér með þeim.  Til dæmis kom Salka til mín í morgun og dansaði fyrir mig undir MIKA ég grét af hlátri. Ég ætla að monta mig aðeins,

 

 

 

Magnús Máni kóngurínn 

                

Kamilla Stjarna. 

Salka 

Vignir Sigur

Hvað er að!!!!! Hvern er verið að reyna að hengja.

Hæ allir.

Mér finnst alveg makalaust hvernig er verið að reyna að finna blóraböggul til að hengja.  Það er allt reynt.  Síðan var forvitnilegt að sjá yfirlýsingu ÖBÍ það hefur ekkert verið haft samband við þá um þessa ferju, og ekki gert ráð fyrir að fatlaðir séu að ferðast eða hvað.   Hvað segja lögin um farþegaflutninga??? Svona er allt þetta mál og mörg fleiri mál sem úr þessu ráðaneyti hafa komið á undanförnum árum.  Mér fannst líka aumkunarvert að þurfa að heyra Guðmund Hallvarðsson segja að þetta mál hafi einungis verið rætt einu sinni í Samgöngunefnd.  Hvað er háttvirt Samgöngunefnd að fjalla um yfir höfuð????  Þetta er samgöngur við eitt sveitafélag, ótrúleg sorgarsaga, og þeim til vansa sem að henni stóðu.

Yfirlýsing frá sveitarstjórn Grímseyjarhrepps

Sveitarstjórn Grímseyjarhrepps hefur sent frá sér eftirfarandi yfirlýsingu vegna skýrslu ríkisendurskoðunar um kaup og endurnýjun á Grímseyjarferju:

Í 3 kafla 2. mgr. segir:

"Engar athugasemdir munu hafa borist frá Grímseyingum á þessu stigi máls."

Þessu vísar sveitarstjórn alfarið á bug, þrátt fyrir að ekki hafi borist formleg umsögn Grímseyinga, enda ekki eftir henni leitað, þá kom það skýrt fram í samtölum við þá sem í ferðinni voru og jafnframt við fulltrúa Vegagerðarinnar og samgönguráðuneytisins, bæði í ferðinni sjálfri og líka í símtölum og tölvupóstsamskiptum eftir ferðina, að það var klár skoðun Grímseyinga að ekki kæmi til greina af þeirra hálfu að þetta skip yrði keypt.

Í 5 mgr. sama kafla segir:

"Sveitarstjórn Grímseyjar lýsti sig samþykka kaupunum með formlegum hætti."

Í tölvupósti hinn 26. september 2005 frá sveitarstjórn Grímseyjar til samgönguráðuneytisins segir orðrétt:

"Sveitarstjórn Grímseyjarhrepps hefur tekið til athugunar, og fjallað um gögn er varðar skoðun á M/V Oilean Arann. Miðað við þau gögn sem sveitarstjórn hefur nú undir höndum og hefur kynnt sér, ásamt því að hafa skoðað ástand skipsins, getur hún ekki mælt með að gengið verði frá kaupum á umræddu skipi að svo stöddu.

Í skýrslu Ólafs J. Briem, (dags. 25/09/05) er gerður fyrirvari um ástand þess hluta og búnaðar skipsins sem ekki hefur verið skoðaður og bent á að miðað við ástand skipsins megi búast við að ástandið sé lélegt. Telur sveitarstjórn Grímseyjarhrepps því varhugavert að áætla að kostnaður við að koma Oliean Arann í viðunandi horf, verði minna en nýsmíði ef miðað er við að afskrifa notað skip á 8 árum en nýtt á 16 árum."

Hinn 28. september 2005 barst svo tölvupóstur frá samgönguráðuneytinu varðandi fund sem haldinn var hjá Vegagerðinni daginn áður og þar segir:

"Í upphafi fundar var farið yfir athugasemdir ykkar eins og þær birtast feitletraðar í skýrslu ÓB. Fram kom í máli allra fundarmanna að athugasemdir ykkar væru sanngjarnar og myndi allt verða gert sem mögulegt væri til þess að verða við þeim. M.a. get ég staðfest að Vegagerðin hefur fullan hug á að halda samráði við ykkur og þá hugsanlega með formlegum hætti verði af þessum kaupum. Önnur atriði svo sem stækkun lestar, breytingar á farþegarými, athugun á perustefni koma allar til greina."

Síðar í sama tölvupósti segir:

"Sem sagt í venjulegum orðum þá viljum við ekki kaupa köttinn í sekknum og viljum einnig vita svona með einhverri nálgun hver viðbótarkostnaðurinn umfram kaupverð kynni að verða. Vil í því sambandi ítreka við ykkur að við höfum nokkuð svigrúm til að leggja út í kostnað við að gera skipið sem best úr garði.

Þá kemur að þriðju aðgerðinni og hún snýr beint að ykkur. Þið verðið að svara mér hvort framangreint sé ykkur að skapi og þið séuð viljugir til þess að samþykkja að skipið verði keypt á framangreindum forsendum. Auðvitað er málið þannig statt að þið verðið í sumu að treysta á orð okkar því sumt er hreinlega ekki þekkt."

Í tölvupósti hinn 29. september 2005 lýsti sveitarstjórn sig tilbúna að samþykkja kaupin á OA að uppfylltum öllum þeim skilyrðum sem fram hefðu komið í málinu.

Í skýrslunni er iðulega vitnað í síðbúnar kröfur Grímseyinga og vill sveitarstjórn í þessu sambandi benda á að þær kröfur sem sveitarstjórn hefur sett fram eftir að ákveðið var að kaupa skipið snúast aðalega um öryggisbúnað skipsins, aðbúnað farþega og innra skipulag.

Sveitarstjórn hefur undir höndum skoðunarskýrslu Siglingastofnunar sem var gerð eftir skoðun um borð í OA dagana 10. og 11. nóvember 2005. Þessa skýrslu sá sveitarstjórnin fyrst fyrir tveimur dögum, en í henni eru einmitt allar þær "kröfur" sem Grímseyingar hafa verið að reyna að fá í gegn, eftir að samningur var gerður, taldar upp og þar er talað um einmitt þessi atriði, sem þurfi að framkvæma til að skipið standist kröfur og fái samþykki Siglingastofnunar.

Í viðauka 1 við skýrsluna segir meðal annars um björgunarbáta skipsins:

"Bátarnir eru ekki viðurkenndir og skipta þarf þeim út fyrir viðurkennda gúmmíbjörgunarbáta."

Í skýrslunni er talað um að nauðsynleg burðargeta Grímseyjarferju hafi verið stórlega ofmetin og er vitnað í athugun Vegagerðarinnar þar að lútandi og talað um að flutningur hafi aldrei farið yfir 60 tonn í ferð. Þessu vísar sveitarstjórn á bug og nefnir í því sambandi að hún hefur undir höndum skjöl er sýna að árin 2005, 2006 og það sem af er árinu 2007 eru um 67 ferðir þar sem Sæfari flytur meira en 60 tonn og ef skoðuð eru viðmiðunarár Vegagerðarinnar þá má sjá að árið 2003 er mesti farmþungi Sæfara í einni ferð 147.192 kg.

Að lokum vill sveitarstjórn benda á það að í rannsókn málsins var aldrei haft samband við neinn í sveitarstjórn Grímseyjar né aðra Grímseyinga, hvorki til að fá álit, athugasemdir né leita eftir gögnum er málið varðaði.

Yfirlýsing frá sveitarstjórn Grímseyjarhrepps

Ráðherra opnar sig

Loksins klessaðan skipaverkfræðinginn kom kommennt frá Kristjáni Möller.  Og Vegamálastjóri kom í hádegisviðtal.  Hvað skeði??   Þeir tóku blessaðan skipaverkfræðinginn af lífi í beinni útsendingu báðir tveir.  Þeir nafngreindu manninn og ætla sér að koma sökinni á hann.  Þetta er ekki drengilegt.  Það er mál manna sem sáu skipið á sínum tíma að þetta var hró sem var bara ætlað í pottinn.  Hreppstjórinn í Grímsey sá strax að skipið var ónýtt Siglingamál sá strax að skipið var ónýtt og allir sem vildu sáu að skipið var ónýtt, en með góðum vilja komust einhverjir að því skipið hentaði vel í þessar siglingar. 

Nefndin komst að því áð Sæfari væri næst besti kostur fyrir neðan nýtt skip sem hefði kostað 6-700 milljónir.  Þvílíkt bull allt saman.

Það má líka fjalla um nýjan Baldur það er ekki allt þar með feldu heldur.  Kröfum um siglingaöryggi var breitt til að koma honum inn í kerfið, en þetta hef ég eftir starfsmanni Siglingamálastofnunar.  Allavega eru öðruvísi kröfur á því skipi en var á gömlu Akraborg þeirri sem var á undan (Sæbjörg)