Ætli fari eins fyrir Sigga....

Það mætti segja mér það að Sigurður Jónsson frændi minn verði atvinnulaus eins og Guðjón Þórðarsson fljótlega.

Enn tapar Djurgården

Frábær árangur

Það er frábært hjá strákunum að ná þessu inn heilu.  Það er engir auðvissar sem geta það.  Eitt þúsund og fjögurhundruð tonn í einu hali,það er ekkert smá magn,frábært til hamingju.

Methal hjá Margréti EA

Allt er gott sem endar vel.

Allt er gott sem endar vel. sem betur fer slaðaðist enginn.

Mannbjörg á Breiðafirði

Setja peninginn í lögregluna

Væri ekki nær að setja þennan pening í löggæslu,heldur en í svona bull.

Engir ísbirnir fundust

Misvitrir embættismenn.

Ég er komin í land eftir mjög skemmtilega ferð fyrir mig og mjög ánægjulega. En mig langar aðeins að skrifa um nýjustu mistök sem hafa verið gerð og eru gerð af mönnum sem greinilega þekkja ekkert til aðstæðna og eru gerð til að skapa einhverjum blýjants nögurum störf.  Það sem ég er að tala um er aðskildar siglingarleiðir fyrir suðurströndinni.

Ég átti fyrstu vakt og er líklega fyrstur til að sigla eftir þessum nýju lögum fyrir Reykjanes og ég er rosalega hissa hversu ylla þetta er ígrundað og röklaus lög og ástæðulaus.  Við megum sigla svokallaða innri leið sem betur fer en aðrir verða að fara svokallaða ytri leið eða þau skip sem eru með olíu og önnur skip sem eru með IMO vöru og þeir sem ekki hafa skýrteini til að sigla innri leið.

Ég ætla að að lýsa minni upplifun á þessu og reyna að færa rök fyrir minni upplifun á þessu bulli að mínu mati.

Við fórum frá Reykjavík í mjög fallegu veðri logni,og sléttum sjó og heiðskýr himin.  Til að komast inn á þessa aðskildu signinga leið þarf maður að stefna fyrst inná Garðskagavita vegna þess að leiðin er ekki teiknuð þannig að hún leiði inn til Reykjavíkur og Hvalfjarðar þangað sem 90% af allri skipaumferð fer.  Síðan liggur leiðin um 6 sml. fyrir utan Sangerðisvita og þaðan um 4 sml. fyrir utan Reykjanesvita.  En þegar maður fer að skoða útleiðina betur þá sést að hún liggur yfir Klettinn sem er NA-af Eldey og er hættulegt í miklum sjó.  En í logninu sá maður hvernig röstin er þarna á þessu svæði þarna er hún um 2 sml. breið í stað þess að fara venjulegu leiðina er hún um 0,5 sml. breið þar. En þar sem við vorum á leið til Vestmannaeyja máttum við fara suður fyrir 63°45´n áður en við tókum stefnuna á Eyjar sem er fáránlegt. En nóg um það í bili.

Ég naut siglingarinnar mikið og var mjög ánægður með að vera komin aftur um borð í skip og láta rugga mér aðeins.  En við fórum yfir hafið í bláhvítu logni og sléttum sjó.  En á bakaleið fengum við á okkur leiðinda veður við Færeyjar og eftir að við vorum að losa og lesta ó Kollafirði fórum við í SW-8-10 og síðar NW-12-15 og þungan sjó.  Við misstum ferð úr 17,5 sml/klst í um 11sml/klst.  Þegar við fórum að nálgast landið okkar var sjórinn krappari og beint í nefið,og þá kemur bullið í ljós varðandi þessar leiðir.  Þar sem við vorum ekki á leið til Vestmannaeyja,Þorlákshafnar,eða Grindavíkur urðum við að fara fyrir sunnan Eyjar og Surtsey og berja alla leið að Reykjanesi.  Ég segi bara hvaða bull er þetta?  ef við hefðum mátt sigla hefðbundna siglinga leið hefðum við komið að Dyrholaey og verið komnir í skjól og sléttan sjó og skipið farið að ganga eðlilega.  Ég reiknaði lauslega þann kostnað sem hlaust af þessu en okkur seinkaði um c.a. 5 tíma og reikna ég þá með því frá Eyjum til Reykjavíkur.

Ég ætla að sýna fram á hvernig þetta lýtur út og er ég ekki með mannalaun, eða annan fastan rekstrarkostnað inni eingöngu olíu og T/C.

• Skip eins og Arnarfell er með um 13000 usd T/C á sólarhring sem  þíðir að á þessum 5 tímum er 2708,3 USD eða  214.770 ISl KR.
• Skip eins og Arnarfell er að eyða um 40 mt. af olíu á sólarhring sem þíðir á þessum 5 tímum höfum við verið að fara með um  8.33mt af olíu sem er miðað við olíuverð í dag 6045 USD. eða 480.578 ISL kr. samtals er bara þessi AUKA kostnaður samtals 695.348 isl KR.
• Ef við reiknum með að skipið lendi í þessu 15 sinnum er þetta kostnaður uppá C.A 10.430.213 Kr. á ári.  Hver greiðir þennan kostnað voru menn að hugsa um þetta þegar menn settu þetta þegar þessi lög voru sett? Ég stór efast um það,og á endanum þurfum við neytendur að borga brúsann eins og venjulega.  Ég vil vekja athygli á að við erum með 10-12 skip í vikulegum siglingum milli Íslanda og Evrópu og þá getum við talað um 125.162.550 kr á ári. Ef við gefum okkur að þessi skip eyði svipað og þetta skip. En við erum með a.m.k.4 skip sem eru töluvert dýrari í rekstri.

En nú langar mig að ræða aðeins um rök manna fyrir þessari vitleysu.  Þetta er fyrst og fremst til komið út af tveimur skipströndum sem eru Wilson Muga annarsvegar og hinsvegar Vikartindur,við skulum aðeins skoða það aðeins betur hér á eftir.   Rökin voru eftirfarandi,

1. Að vernda hrygningarstöðvar Þorsks fyrir suðurströndinni.
2. Að vernda strendur og dýralíf við strendur Reykjanes og suðurstrandarinnar.

Skoðum þetta aðeins betur.  Vernda hrygningarstöðvar nytjastofna okkar.  Þá vil ég benda á að við suðurströnd Íslands er mesta ölduhæð í heimi.  Ég vil benda fólki á að í fyrravetur var olíuskip á leið til BNA og menn voru á taugum um að skipið myndi brotna.  Ég vil líka benda á að ef skip er að sigla þessa leið sem menn eru nú búnir að setja lög um skapast enn meiri hætta en áður,vegna þess að skip sem er í vitlausu veðri er í miklu meiri hættu á að missa út farm og menga miklu meira en áður.

Fyrir utan það hvað þetta fer ylla með skip og mannskap og skapar stór hættu.  Ég er ekki viss um að einhverjir blýants nagarar hafi vitað hvernig vaðrið var við suðurströnd Íslands í vetur sem leið. Við skulum aðeins ræða um þessi tvö skip sem strönduðu sem ég nefni áðan.

• Vikartindur:  Vélstjóri skipsins ákveður að drepa á aðalvél til að skipta um afgasloka þetta tafðist og hann kom ekki lokanum í.  Þetta þurfti ekki að sé akkúrat þarna en skaðinn var orðin.  Það hefði ekki skipt nokkru máli hvort skipið hafi verið utar og kastað báðum ankerum ´þau hefðu aldrei fengið þá festu sem til þurfti til að halda skipinu í þessum sjó.  Það eina sem hefði getað hjálpað er stór og öflugur dráttarbátur eða Varðskip sem hefðu ráðið við skip af þessari stærð.  En menn hafa ekki getað rannsakað þetta mál til hlítar þar sem áhöfninni var laumað úr landi í skjóli nætur og er það rannsóknarvert dæmi og þeim sem að því stóðu til vansa,og hvar voru þessir snillingar þá sem áttu að gæta hagsmuna Íslands.
• Wilson Muga:  Menn eru búnir að vera að kappkosta að því að verameð ódýrt vinnuafl um borð í skipum og þá einnig sem fæsta.  Í þessu tilfelli var skipið búið að vera að losa farm í Grundartanga og öll áhöfnin útkeyrð og ósofin.  Stýrimaðurinn á vakt sofnar á vaktinni og sjálfsstýringu slær út og afleiðingarnar eru öllum kunn.

Mig langar líka að benda á að nánast engin skaði varð á lífríkinu í kringum þessi skipsströnd sem betur fer.  En áður en þessi skip strönduðu eru liðin ein 60-70 ár liðin síðan kaupskip strandar hér við land.  Ég vil líka benda á að um borð í okkar fiskiskipum sem eru að sigla upp í fjöru er oft meiri olía og önnur spilliefni er um borð í einu svona skipi. 

Ég var með í því að kasta hringnót alveg uppí hömrunum við Reykjanes oft og mörgum sinnum og um borð í skipinu voru nokkrir tugir tonna af olíu.  Einnig eru þessi minni skip sem mega sigla upp í fjöru eru oft á tíðum ylla útbúin skip sem eru með menn við stjórnvölin sem ekki þekkja til staðhátta við strendur Íslands.

Ég er búin að heyra í nokkrum skipstjórum skemmtiferðaskipa sem eru mjög ósáttir með þessi lög og íhuga að hætta að sigla hingað, því farþegar þessara skipa vilja sjá strendur landsins þegar þeir eru að koma hingað til lands og fyrir það er þetta fólk að greiða.  Og hver er þá ávinningurinn af þessu bulli öllu saman?

Ég veit ekki hverjir voru álitsgjafa í þessu máli, en mig grunar að það hafi komið frá mönnum sem ekkert þekkja til og hafa ekki verið að standa í þessari baráttu við hafið sem menn eru að gera og er virðingavert.  Og ég veit að LHG. var með menn í þessari nefnd og ég segi það fullum fetum að þeir vita ekkert um þetta mál þeir liggja venjulega inná lygnum fjörðum í brælum og þekkja ekkert til þessara aðstæðna sem eru þarna úti.

Mín skoðun er sú að betra hefði verið að hafa eitt Varðskipið í vari við Eyjar og vera með Lóðsa um borð hjá sér eða senda stýrimennina frá sér með skipunum til að sigla fyrir Reykjanes hefðbundna siglingaleið og spara með því stórfé og tíma, og á sama tíma að skapa fleiri störf fyrir deyjandi stétt skipstjórnarmanna líkt og Norðmenn gera með Norsku ströndina.

Nú ætlar kallinn að skella sér einn túr á sjóinn,,,,,,,

Jæja nú er komið að því, ég ætla að svala þorsta mínum smá.  Ég er búin að vera svo lengi í landi svo að nú er komið að því að svala þorsta mínum aðeins.  Mér bauðst að fara einn túr á Arnarfellinu og þáði ég það með þökkum og fer annað kvöld.  Mér hlakkar ógeðslega til og verður gaman fyrir mig að skella sér á gámaskip.  En ég hef aldrei farið á svoleiðis skipi fyrr.  Ég fór í dag og kannaði aðstæður og leist bara djöfull vel á.  Ég ætla að taka konuna með hún hefur svo gaman að fara svona túra.  Hún er búin að koma oft með mér í gegnum tíðina í svipaðar ferðir á allskonar skipum.

 Það er líka gaman að því að við eigum  26 ára brúðkaupsafmali á morgun svo að það hittist skemmtilega á.  

Glæsilegur og verðskuldaður sigur.

Spánverjar áttu þennan sigur fyllilega skilið.  Þeir voru einfaldlega miklu betri í þessum leik,og spiluðu sannfærandi allt mótið.  Ég hélt með Hollandi en þeir voru ekki uppá tánum og toppuðu á vitlausum tíma.  Að lokinni þessari keppni vil ég þakka Ríkissjónvarpinu fyrir frábæra umfjöllun og góða greinagerð á þessu móti eiga þeir skilið rós í hnappagatið fyrir sitt framlag.

Spánn Evrópumeistari

Lærum af þessu............. Gerum það sama hér.

Þetta er snjallt hjá þeim og við ættum að gera þetta sama.  Við erum að henda það miklu hér við land.

Brottkastsmyndavélar um borð

Búið að vera mikið að gera.

Það er búið að vera mikið að gera hjá mér undanfarið.  Maður er alltaf að læra í þessu starfi.  Eitt er það sem ég er að upplifa það þessa daganna að það er ekki til hér á landi neitt Mansement fyrirtæki og vekur það furðu hjá mér.  Við erum eyja hér í norður höfum sem erum háð siglingum til að koma vörum til og frá landinu.  Að vísu eru Eimskip og Samskip sjá um sín skip en þess utan er ekkert óháð fyrirtæki til held ég.

Mér finnst þessi vinna ótrúlega skemmtileg og lærdómsrík fyrir mig sem er búin að vera lokaður út á sjó öll þessi ár og er að rembast við að halda mér í landi,þá hefði ég ekki getað hugsað mér að vera í annarri vinnu.  Mér finnst ég finna mig rosalega vel í þessu starfi.  Þarna er allt sem ég get hugsað mér, mikil aksjón og skorpuvinna sem hentar mér rosa vel.

Ótrúlegur leikur

Þetta var rosa leikur og dramatískur.  Það var ótrúlaga flott hjá Tyrkjum að ná að jafna á síðustu sekúndu.  En það sást í þessum leik að hvorugt liðið er í besta liðið í keppninni.

Tyrkir unnu í dramatískum leik