Byrti nokkrar myndir af þeim bátum sem ég hef verið á.

Mig langar að birta í nokkrum færslum myndir af þeim bátum sem ég hef verið á.  Mig vantar nokkrar myndir en það væri gaman ef einhver ætti myndir að senda mér,

  Þetta er fyrsti bátur sem ég fékk laun fyrir sjómennsku mína, þá 14 ára.  Ég réri með föður mínum á grásleppu og skak á sumrin. Faðir minn lét byggja þennan bát fyrir sig.

 En þegar ég var 12 ára vorum við tveir vinir sem keyptum okkur árabát fyrir 500 kall,og fengum nokkur net hjá afa mínum á Lögbergi og rérum frá Kalmansvík á grásleppu.  Ekki var útgerðarsaga okkar langvinn því að báturinn brotnaði í spón eftir nokkra róðra.

 Ég var fyrst lögskráður á sjá á Haraldi AK 10.  Þá var ég rúmlega 16 ára.  Við vorum á línu og síðar netum á vertíðinni. á sumrin vorum við á handfærum á Eldeyjarbanka. Kristófer Bjarnarson var skipstjóri.

  

En á bátunum hér fyrir ofan fór ég lausaróðra með skóla sem háseti á línu og net.

Þetta er Krossvík, en á þessu skipi fór ég þann eina túr á togara sem ég hef farið.  Það var einn áramóta túr.  Mér leiddist það mjög.

.

Þetta er Perlan.  Ég var háseti þarna í 2 ár 17-18 ára, þá var skipið í eigu Námunar h.f. Skipstjórar voru Markús Alexsendersson og Einar Kristjánsson (Faðir minn).

Þetta er Þórkatla II, ég var þarna um borð eina sumarvertíð á loðnu þá 18 ára en ég fór í Stýrimannaskólann um haustið.

'Þetta er Gissur Hvíti SF sem ég var á 1 sumarvertíð árið 1980,meðan ég var í stýrimannaskólanum

Í næstu færslu kem ég með myndir frá þeim skipum sem ég hef verið stýrimaður og skipstjóri á. 

Þetta er gaman að rifja þetta upp á þessum tímamótum.

Athugasemdir

[Einar Örn Einarsson, 7.12.2008 kl. 21:43]

Gaman að þessu frændi

http://www.123.is/skipamyndir/blog/record/322037/

Líttu á þessa , þarna er búið að mála hana og setja skyggni á brúna.

[Einar Vignir Einarsson, 7.12.2008 kl. 22:35]

Takk fyrir þetta Einar en áttu mynd af Flosa ÍS. og Snarfara Hf

[Guðrún Þóra Hjaltadóttir, 7.12.2008 kl. 23:01]

Þú hefur greinilega víða komin við. Takk fyrir myndirnar.

[Einar Vignir Einarsson, 7.12.2008 kl. 23:20]

Sæl Guðrún

Já maður fór á milli skipa á sumrin og um helgar þegar maður var ungur og var að vinna sér inn aur fyrir skólanum.  Þetta er bara þau skip sem ég hef verið háseti á en ég er búin að vera á sjó í ein 30 ár samfellt

[Guðrún Þóra Hjaltadóttir, 7.12.2008 kl. 23:28]

Afi minn var skipstjóri á Kveldúlfstogurum á sínum tíma

[Haraldur Bjarnason, 9.12.2008 kl. 13:59]

Nenni. Mikið helvíti eru þetta góðar myndir sem þú ert með af Haraldi, Ráninni og Sigurborgu

[Einar Vignir Einarsson, 9.12.2008 kl. 19:11]

Sæll Halli já þetta eru myndir sem ég fékk á LA.  Eru þær kannski teknar af þér???

[Haraldur Bjarnason, 10.12.2008 kl. 01:17]

Já já þetta er hluti af þeim myndum sem eru frá mér inni á Ljósmyndasafni Akraness. Ég tók myndir af flestum bátum frá Akranesi á sjöunda og áttunda áratugnum. Þér er velkomið að nota þær.